മഹാഭാരത ദേശത്തെ പരമോന്നതമായ പത്മ
പുരസ്കാരത്തിന് അടുത്ത കൊല്ലം ഉണ്ടാകാവുന്ന ശുപാര്ശകള് കൂപന് പ്രവചിക്കുകയാണ്...
സരിത നായര്, ബിജു രാധാകൃഷ്ണന് -( സോളാര് സേവനങ്ങള്)
പീതാംബരക്കുറുപ്പ് (സ്പര്ശന
ചികില്സ)
സലീംരാജ് (സാമൂഹ്യസേവനം)
പി.സി.ജോര്ജ് (ഭരണിപ്പാട്ട്
സാഹിത്യം)
ഗണേശ്കുമാര് (സദാചാരമൂല്യം)
നമ്മുടെ ബഹുമാന്യ ജനപ്രതിനിധികളെ ദോഷം
പറയാനാകില്ല. ഉപകാരത്തിനു പ്രത്യുപകാരം ചെയ്യുന്നവര് തന്നെയാണ്.
തിരഞ്ഞെടുപ്പു കാലത്ത് നടുവളച്ച് കൈനീട്ടി നിന്നപ്പോള് സംഭവാനക്കിഴികള്
എറിഞ്ഞിട്ടു തന്നവരെ ഇതിലപ്പുറം എങ്ങനെ ബഹുമാനിക്കാനാണ്... ദേശത്തെ പരമോന്നത
പുരസ്കാരം നല്കിത്തന്നെയാകട്ടെ ബഹുമാനം എന്നു കരുതിക്കാണും.... ഉദ്ദിഷ്ട
കാര്യത്തിന് ഉപകാര സ്മരണ. നാട്ടുനടപ്പനുസരിച്ചാണെങ്കില് ഈ ശിപാര്ശക്കത്തുകള്
പുറം ലോകം അറിയുകയുമില്ല... പക്ഷേ ഇത്തവണ നാട്ടുനടപ്പ് നടന്നില്ല.... എന്നാലും
ഇതല്പം കടുത്തുപോയി.
പത്മ പുരസ്കാരക്കച്ചവടത്തില്
മുന്നില് നില്ക്കുന്ന പ്രവാസികളെ കാണാത്ത പ്രവാസികാര്യമന്ത്രി തന്നെ.
നാടൊട്ടുക്കും പാടം നികത്തി കോണ്ക്രീറ്റ് കാട് കെട്ടിപ്പൊക്കി രാജ്യസേവനം
ചെയ്യുന്നവരെ ആദരിക്കണമെന്ന് അദ്ദേഹത്തിനു തോന്നിയെങ്കില് എങ്ങനെ കുറ്റം പറയും.
പ്രവാസികാര്യ പുംഗവന് നാമനിര്ദേശം ചെയ്ത മേനോന് ചേട്ടന്റെ സേവനം ഏറ്റവും
നന്നായി പറയാന് കഴിയുക തൃശൂര്ക്കാര്ക്കാണ്... ഏക്കറുകണക്കിനു പാടവും ചതുപ്പു
നിലവും നികത്തിയല്ലേ മേനോന് ചേട്ടന് ഭാര്യയുടെ പേരില് നഗരം പണിയുന്നത്. എത്ര
ഉദാത്തമായ ദേശസേവനം. അങ്ങ് കൊച്ചിക്കടുത്ത് വളന്തക്കാടെന്ന കൊച്ചു ദ്വീപില്
പുതിയൊരു കൊച്ചിയെ പടുത്തുയര്ത്താന് ഇദ്ദേഹം തയാറായെങ്കിലും അച്ചുമ്മാന്
വേണ്ടെന്നു പറഞ്ഞതോടെയാണ് പിന്മാറിയത്.
ഇന്ദ്രപ്രസ്ഥത്തിലൊരു മലയാളി
നാടകക്കാരനുണ്ട്. അടിയന്തരാവസ്ഥക്കാലത്ത് ഇന്ദിരാജിക്കു വേണ്ടി സ്തുത്യര്ഹ സേവനം
കാഴ്ചവച്ച അദ്ദേഹത്തെ പണ്ടേ പദ്മപുരസ്കാരം(ഇന്ദിരാജിയുണ്ടേല് ഇപ്പോ ഭാരതരത്നം
ആയേനേ.... ) നല്കി ആദരിക്കേണ്ടതായിരുന്നു. ഇന്ദിരാജിയുടെ പത്രമാരണനിയമം
നടപ്പിലാക്കാന് ചൂട്ടുപിടിച്ചത് മഹത്തായ കാര്യമല്ലേ... സര്ക്കാര് വിരുദ്ധ
വാര്ത്തകള്ക്കു മുകളില് കരിമഷിയൊഴിക്കുകയും പത്രക്കാരെ ഇരുന്പഴിയിലാക്കാന് വഴി
കാണിക്കുകയും ചെയ്തത് മോശം കാര്യമാണോ... ഈ മാന്യദേഹത്തിനും മകള്ക്കും കിട്ടി
ഇത്തവണ പത്മ പുര്സ്കാര ശുപാര്ശ. ഭാര്യക്ക് പത്മ പണ്ടേ കിട്ടിയതാണ്. അച്ചനും
മകള്ക്കും കൂടി പത്മ കിട്ടിയാല് ഒരു പത്മ ശ്രീ കുടുംബമാക്കാം... ഈ ശിപാര്ശയും
പ്രവാസി പുംഗവന്റെ വക.
ഗോകുലത്തില് ചിട്ടിക്കന്പനിയും
വട്ടിപ്പലിശ ഇടപാടുമൊക്കെ നടത്തി രാജ്യസേവനം ചെയ്യുന്ന മാന്യദേഹത്തിനും പത്മ
പുരസ്കാരം നല്കിയാല് കൊള്ളാമെന്ന് നമ്മുടെ ഒരു ജനപ്രതിനിധിക്കു തോന്നി.
കൊള്ളപ്പലിശക്ക് വായ്പ നല്കിയും ചിട്ടിക്കന്പനി നടത്തിയും രാജ്യത്തിന്റെ സന്പദ്
വ്യവസ്ഥ പിടിച്ച് നിര്ത്തിയതാണല്ലോ... ശുപാര്ശ ചെയ്തതാകട്ടെ ഒന്നേമുക്കാല് ലക്ഷം
കോടിയുടെ അഴിമതിക്കേസില് നിന്ന് പ്രധാന പുംഗവനേയും ധനപുഗവനെയും ഊരിയെടുത്ത
ജനപ്രതിനിധി തന്നെ...
ക്ഷേത്രത്തില് ആനയെ നടയിരുത്തിയാലും
പൂരം നടത്തിപ്പു കമ്മിറ്റിയില് മുഖ്യസ്ഥാനം വഹിച്ചാലും ഇനി മുതല് പത്മ ശിപാര്ശ
കിട്ടും. പൂരം നടത്തലും ആനയെ നടയ്ക്കിരുത്തലും വളരെ വലിയ സാമൂഹ്യസേവനം തന്നെയാണ്.
തൃശൂര് പൂരത്തിനും കുട സംഭാവന ചെയ്യുന്നതും ഇതില് പെടുത്താം. ഇക്കാര്യങ്ങളെല്ലാം
കണക്കിലെടുത്ത് സുന്ദര മേനോന് പത്മ ശ്രീ നല്കണമെന്നായിരുന്നു കേരളത്തിലെ
കോണ്ഗ്രസ് പ്രസ്ഥാനത്തെ മുന്നോട്ട് നയിക്കുന്ന നേതാവ് ആഗ്രഹിച്ചത്. പത്മ പുരസ്കാരം
തൃശൂരിന്റെ പരമോന്നത പുരസ്കാരമല്ല, രാജ്യത്തെ പരമോന്നത പുരസ്കാരമാണെന്ന് നേതാവ്
മറന്നു പോയോ ആവോ... തൃശൂര്ക്കാരനായ ഈ ചേട്ടന് തൃശൂര് പൂരത്തിനും പൂരം
നടത്തിപ്പുകാര്ക്കും നല്കിയ സേവനങ്ങള്ക്ക് ഉടന് ഒരു പൂരശ്രീ പുരസ്കാരം നല്കാം.
അതുപോരേ നേതാവേ...
ഇനിയുമുണ്ട് രാജ്യസേവനം ചെയ്യുന്ന,
പത്മ പുരസ്കാരം ലഭിക്കേണ്ട മഹാ വ്യക്തിത്വങ്ങള്.... കേരളത്തിനു പുറത്ത്
വിദ്യാഭ്യാസ കച്ചവടം ചെയ്യുന്ന മാന്യവ്യക്തി, രാഷ്ട്രീയവും കച്ചവടവും സിനിമയും
ഒരുമിച്ചു കൊണ്ടുപോകുന്ന കോഴിക്കോട്ടെ ഒരു ഖദര് പ്രതിഭാസം, പഞ്ചനക്ഷത്ര ഹോട്ടല്
പണിതുയര്ത്തിയ ഗള്ഫ് മാന്യദേഹം ഇവര്ക്കൊക്കെ ഉടന് പത്മ പുരസ്കാരങ്ങള്
സമ്മാനിക്കണം. ഹിന്ദി സിനിമകളെ സ്ഥിരം വില്ലന്റെ സാമൂഹ്യസേവനം മാനിക്കണമെന്ന്
പറഞ്ഞ തിരുവനന്തപുരത്തിന്റെ ആഗോളപൗരനായ മന്ത്രിയ്ക്കും കൊടുക്കണം
പൂച്ചെണ്ടുകള്... നായകന്റെ ഇടിവാങ്ങി ആരാധകരെ തൃപ്തിപ്പെടുത്തുന്നതിനോളം വലിയ
ജനസേവനമുണ്ടോ.....
മലയാള സിനിമയുടെ കാരണവര് മധുവിന്
പദ്മശ്രീ കൊടുത്തത് ക്ഷമിച്ചു..... ഒരുപാട് പാവങ്ങളെ അര്ബുദത്തില് നിന്ന്
രക്ഷിച്ച ഗംഗാധരന് ഡോക്ടര്ക്ക് പത്മ കിട്ടിയിട്ട് എന്താണ് കാര്യം? കാലങ്ങളായി
മലയാള സിനിമയുടെ ഐശ്വര്യമായ കെപിഎസി ലളിതച്ചേച്ചിക്ക് പത്മ അവാര്ഡിന് എന്തു
യോഗ്യതയാണുള്ളത്...? നാടകത്തിതിനു പുതിയ ഭാവങ്ങള് നല്കിയ കാവലം
നാരായണപ്പണിക്കര്ക്ക് ഈ ജന്മത്ത് പത്മ പുരസ്കാരം നല്കരുത്.. അതുപോലെ തന്നെ
നെടുമുടി വേണുവിനും കൊടുത്തേക്കരുത്.. കൊള്ളപ്പലിശക്കാരനും
ചിട്ടിക്കന്പനിക്കാരനും വിദ്യാഭ്യാസ കച്ചവടക്കാരനും ഉല്സവനടത്തിപ്പുകാരനും പാടം
നികത്തി കെട്ടിട സമുച്ചയം കെട്ടിപ്പൊക്കുന്നവര്ക്കുമൊക്കെ പത്മ ശ്രീ കൊടുത്തിട്ടു
മതി ഇവര്ക്കു കൊടുക്കുന്നത്.... അല്ലേ മാന്യ ജനപ്രതിനിധികളേ...
നിങ്ങളുടെ മുഖത്ത് ആട്ടണമെന്നുണ്ട്...
പക്ഷേ മന്ത്രിമന്തിരങ്ങളില് നിന്ന് നിങ്ങള് പുറത്തിറങ്ങില്ലല്ലോ..... നിങ്ങളുടെ
ശിപാര്ശക്കത്തുകള് നേരെ ചവറ്റുകുട്ടയിലെറിഞ്ഞ പുരസ്കാര നിര്ണയസമിതി
സഖാക്കള്ക്ക് ഒരു ലാല്സലാം.....
1 comment:
Post a Comment